આભાસ બનીને રહી ગયો
આભાસ બનીને રહી ગયો
એની આંખનું એક આંસુ, મારા ગાલ પર,
એક ઝાકળની જેમ રહી ગયું,
એની ખાટીમીઠી યાદો, એક વહેમની જેમ,
મારા જહેનમાં રહી ગઈ,
જયાં સાચા અર્થનો પ્રેમ હતો,
એ આજે ખાલી આભાસ બનીને રહી ગયો,
લોકો કહે છે કે દુનિયામાં કોઈ કોઈનું નથી,
પણ, એકવાર જે કોઈનું થઈ જાય છે, પછી
એ પોતાનું બનીને પણ કયાં રહી જાય છે ?
જેમ નદીનું મીઠું પાણી, દરિયામાં ભળીને,
પોતાની મીઠાશ છોડી દઈ ખારૂ બનીને રહી જાય છે,
તેમ, તારી યાદ, તારો અહેસાસ, તારો પ્રેમ,
આજે એક ખયાલ બનીને રહી ગઈ છે.