ઉત્સવ
ઉત્સવ
આંસુના તોરણ બાંધીને આંખો પૂછે છે કે, શું
તોરણ બાંધ્યાનો ઉત્સવ મનાવું ?
પ્રેમના સમુદ્રમાં ડૂબકી મારીને,
દુઃખ સમા તરાપાનો સહારો લઈને કાંઠે પહોચ્યા,
તો શું
તરાપો મળ્યાનો ઉત્સવ મનાવું ?
મૃગજળ સમી તારી યાદો,
મને છેતરે છે, તો શું
યાદો મળ્યાનો ઉત્સવ મનાવું ?
જુદાઈના ક્ષણો કાપતાં વિરહના આંસુ આવ્યા,
અને જયારે મળ્યા ત્યારે હરખના
આંસુ આવ્યા, તો શું
આંસુ મળ્યાનો ઉત્સવ મનાવુંં ?