ઇપ્સિત

મારા પ્રત્યેક વિચારે રહે નામ તારું. 

મારા પ્રત્યેક ઉચ્ચારે રહે નામ તારું. 

જન્મોજન્મનો તું છો સંગી મારો ને,

મારા પ્રત્યેક વ્યવહારે રહે નામ તારું. 

કેમ ભૂલી શકાય હૃદયના સ્પંદનોને,

મારા પ્રત્યેક ધબકારે રહે નામ તારું. 

સંબંધ આપણો સમર્પણનો હરિ ને,

મારા પ્રત્યેક આચારે રહે નામ તારું. 

ઝંખના દર્શનની ભવોભવની મારી,

મુસીબતોના પડકારે રહે નામ તારું. 

આગમન ઇપ્સિત મારે હરિવર સદા,

રોમેરોમના આવકારે રહે નામ તારું. 

મીટાવી દે દ્વૈત દયાનિધિ અવસર છે,

ઉરઅગન દિલની ઠારે રહે નામ તારું.