ગઝલ : એવું થોડું હોય ?

સૂર્ય બની ઉગવાનું નઈ, એવું થોડું હોય ?

દેહ ધરી મરવાનું નઈ, એવું થોડું હોય ?

દિલ તૂટે ને મન ભાંગે તો આંસું આવે

દુઃખ થાયે રડવાનું નઈ, એવું થોડું હોય ?

આજ નહીં તો કાલે, તે સાચું તો પડશે

સ્વપ્ન કદી જોવાનું નઈ, એવું થોડું હોય ?

રામ કહો, ગોડ કહો, બોલો નામ ખુદાનું

ઈશ્વરને ભજવાનું નઈ, એવું થોડું હોય ?

ઘરની શોભા માટે જઈ પીંજરમાં બેઠા

પંખી થઈ ઉડવાનું નઈ, એવું થોડું હોય ?

આપ "વિભવ"ને શુંકામ કહો ચૂપ રહેવા ?

કવિ થઈ લખવાનું નઈ, એવું થોડું હોય ?