ગીત - ' દરવાજો '
ગીત - ' દરવાજો '
ઉંબર પર ઉભેલો દરવાજો હળવેથી બોલે,
ભેદ બધા જીવતરના આગળિયે દાબીને ખોલે,
આજ દરવાજો હળવેથી બોલે..
સાંધા તૂટે તો ઝીણી ખીલી મારીને દાબી દેવાના ઝટપટ,
દરવાજો ફુલે તો છોલીને એને સરખો કરવાનો છેવટ,
થનગનતો થનગનતો આવકારો આપીને ડોલે ....
આજ દરવાજો હળવેથી બોલે..
અંદર કે બાહર બધી વાતોને એવી તો ભીતરમાં રાખી,
લાખેણી લાજ બધી ધીમેથી પોતેજ આગળિયે વાખી,
અંધારી રાતોમાં મન ફરી એનઘેન ચડતું'તું ઝોલે.....
આજ દરવાજો હળવેથી બોલે..