ગામડું

જ્યાં ગાય ભેંસના ધણ રે

છાશના વલોણા ગાજે રે

એ ગામડું મારું રૂડું ને રંગીલું રે !

પ્રકૃતિ સંગ જ્યાં નાતો રે

ઘેર ઘેર ઝાડની વાતો રે

એ ગામડું મારું રૂડું ને રંગીલું રે !

પડોશી સગા વ્હાલા રે

ભાઈ ભાઈના હેત મજાના રે

એ ગામડું મારું રૂડું ને રંગીલું રે !

ઠેરઠેર પંખીના માળા રે

નિતદિન મીઠા ગાણા રે

એ ગામડું મારું રૂડું ને રંગીલું રે !

ખળખળ નદી વહેતી રે

પનિહારી પાણી ભરતી રે

એ ગામડું મારું રૂડું ને રંગીલું રે !

ડુંગળી રોટલાના ખાણાં રે

ઓટલે ઓટલે માણા રે

એ ગામડું મારું રૂડું ને રંગીલું રે !

ભાઈબંધોના ટોળા રે

વડીલોના છે ખજાના રે

એ ગામડું મારું રૂડું ને રંગીલું રે !

જ્યાં ધરા લીલીછમ રે

રસ્તે માટીના ઢગ રે

એ ગામડું મારું રૂડું ને રંગીલું રે !

કોયલ, મોર, પોપટ રે

વાડીમાં હોય આવાસ રે

એ ગામડું મારું રૂડું ને રંગીલું રે !

પાદર બાળટોળી રે

જેની થતી ઘેર ઘેર શોધ રે

એ ગામડું મારું રૂડું ને રંગીલું રે !

દાદા દાદીની વાતો રે

ન્હાવા મોટા કુંડ રે

એ ગામડું મારું રૂડું ને રંગીલું રે !

કુટુંબ મોટા મોટા રે

સૌ લાગણીના ધોધમાં વહેતા રે

એ ગામડું મારું રૂડું ને રંગીલું રે !