એવું કેમ છે ?
એવું કેમ છે ?
આત્મીયતા છે પણ હવે કહેવાતું નથી, એવું કેમ છે ?
એકપળ પણ એના વિના રહેવાતું નથી, એવું કેમ છે ?
પ્રેમમાં નિષ્ઠા એને પણ છે ને છે મને પણ અનહદ,
છતાં એકબીજામાં ખોવાઈ જવાતું નથી, એવું કેમ છે ?
અમાપ હાસ્ય ભરી ગમગીની દૂર હડસેલી દેવી છે એનાથી,
છતાં એ ગમગીનીમાંથી એને દૂર કરી શકાતું નથી, એવું કેમ છે ?
અધૂરપની પૂર્ણતા છીએ જ અમે એકમેકના આજીવન,
છતાં આ જીવન એકબીજા સાથે જીવાતું નથી, એવું કેમ છે ?
એક એક શબ્દો ને કહેણમાં કેટલા આસપાસ છીએ,
છતાં વહેણમાં નદીથી દરિયો ઉભરાતો નથી, એવું કેમ છે ?
દૂધમાં સાકર ભળે તેમ ભળી જવું છે એની રુહમાં,
છતાં એ રુહ સુધી પહોંચવું મુશ્કેલ બની ગયુ, એવું કેમ છે ?