એકતા
એકતા
નોખી રહે જો આંગળી મુશ્કેલ બધા ત્યાં કામ છે,
મુઠ્ઠી વળે જો ઐક્યની તો થાય સઘળાં કામ છે,
મતભેદ ઘરમાં હોય પણ મનભેદનો દુષ્કાળ છે,
એ ઘર મટીને સર્વનું બનતું સફળતા ધામ છે,
કપરું હતું એ કામ પણ સાથે મળ્યા સૌ ધૈર્યથી,
પથ્થર તરે પાણી ઉપર, જેના હૃદયમાં રામ છે,
લડતા રહ્યા પાંડવ સદા, તોડ્યો ના નાતો ધર્મથી,
તેથી જ તો કાયમ જુઓ, પડખે રહ્યા ઘનશ્યામ છે,
દેખાવમાં નાની છતાં સાગરને હંફાવ્યો હતો,
જ્યાં સંપ કેરું બળ હતું, સાગર જુઓ બદનામ છે,