એક જાદુઈ છડી

જીવન પથ પર ચાલતા ચાલતા મને મળી જાદુઈ છડી,

પરિશ્રમ છે એનું નામ. એનું કામ તો પારસમણિ જેવું,

જેને સ્પર્શે એ સોનું બની જાય.

આ હામ ભરે કૂંપળ તો,

ધરતીનો સીનો ફાડી બહાર નીકળી જાય,

બની જાય એ વૃક્ષ મોટું.

પરિશ્રમની જાદુઈ છડી થકી,

કોઈ બન્યા વૈજ્ઞાનિક, કોઈ બન્યા સંશોધક.

આમ પરિશ્રમની જાદુઈ છડીથી ધાર્યું બધું થાય.

આ જાદુઈ છડીથી તો,

આ પ્રારબ્ધની દેવી પણ ખુશ થઈ થાય !

આપે વરદાન એ સફળતાનું,

તો ભાગ્ય પણ તમારા ખુલી જાય.

મને મળી એક જાદુઈ છડી, પરિશ્રમ એનું નામ.

લોહને પણ સોનું બનાવે એ છે એનું કામ,

જો રાખશો આ છડીને સાથે તો વધી જશે તમારા દામ,

જગતમાં ઉંચા થશે તમારા નામ.

કહેવત છે" સિદ્ધિ એને જઈ વરે જે પરસેવે ન્હાય",

બસ રંગ લાવે આ પરિશ્રમ,

જમીનમાંથી સોનું પકવે આ પરિશ્રમ.