એક અનોખો સંબંધ

એક અનોખા સંબંધની આ વાત છે,

મા-બાપ થકી સંતાનના ઉછેરની આ વાત છે.

સૃષ્ટિ મહીં બાળકના આગમન માટે,

પથ્થર એટલા દેવ પૂજયાની આ વાત છે.

મહેકતો રાખવા એની ઈચ્છાઓના બાગને,

પેટે પાટા બાંધી ઉછેર્યાની આ વાત છે.

'ચિંતા ના કર બેટા, અમે બેઠાં છીએ,'

મા-બાપનાં અટલ વિશ્વાસની વાત છે.

ભલે લોકો અમારા સ્નેહને અતિશયોક્તિ કહે,

પરંતુ લાગણીના સતત અભિષેકની વાત છે.

છોરું કછોરું થાય એ તો સૌ જાણે છે,

માવતર કમાવતર ના થાય એ હેતની વાત છે.

અમે સીંચીશું તારા બાગને નિજ રક્ત રેડી,

પણ તું જ તારો ઉદ્ધારક એ કરમની વાત છે.