એ વતન

મારાથી બનતું કરી, સોંપ્યું છે તમને સુકાન દેશબંધુ,

નાવ છે મધ-દરિયે 'ને સામે છે દુશ્મનોની ફોજ દેશબંધુ.

મરજીવો બની લડ્યો હવે મોત પર મારો અધિકાર છે,

મનસૂબો છે પાક્કો શું બગાડશે આ દુશ્મનો, દેશ સંગ છે.

  

અમારી પેઢીનું હું એક જ સંતાન, મા બાપના આશિષ સાથે છે,

કેટલાંનો લેશે ભોગ થાકી જશે આ દુશ્મનો, ખુમારી લહુમાં છે.

કિનારે બેસીને જોયા કરવાનો અર્થ નથી, વતન માટે કુરબાન થવાનું છે,

સામનો કર્યે જ છૂટકો આ દુશ્મનોનો, હવે વારો આપણો છે.

હામનાં હલેસા ને વતનની મિટ્ટીની કરી પતવાર છે,

હાથમાં એકબીજાનો હાથ જોઈને થોભી જશે એ પડકાર છે.