એ ક્ષણો

ફરી જીવી શકાય તો, જીવવી છે એ ક્ષણો,

વિસરેલા બાળકની બાળપણની હઠો,

સમજણ વગરનું સમર્પણ ને, ન સમજવાની હઠો, 

કાંટાળા રસ્તાએ રમાતી ભોળપણમાં કરેલી રમતો,

મારતા ન વાગે એવા એ ધૂળના ગોટાઓ,

પ્રેમથી ભીંજવતા, એ પાણીના પરપોટાઓ, 

કેટલુંય અઘરું છે આજે, આ સીમેન્ટના ઘરોને બાંધવું, 

સરળ હતું એ, માટીની ઝૂંપડી માત્ર ગાર-પાણીએ બનાવવાનું,

ભીની માટીમાં રમાતી, એ મજાની રમતો,

મહેનતના મૂલ્યે મળતાં, એ માટીના રમકડાં,

એ મીઠી યાદો સાથે ખોવાયેલી રમતો,

ફરી જીવવી છે એ, બાળપણની ક્ષણો.