એ જિંદગી

દોડી દોડી ને થાકી ગઈ છે એ જિંદગી, 

હવે સમય છે તો આરામ કરી લે એ જિંદગી, 

પરિવાર સાથે સમય માણી લે એ જિંદગી, 

મસ્તીની આ પળોને મહેકાવી દે એ જિંદગી...

લોકડાઉનમાં ના થા તું ડાઉન એ જિંદગી, 

થાક્યું છે હેરાફેરીથી આ ટાઉન એ જિંદગી, 

બચપણના બાકી ખેલ ખેલી લે એ જિંદગી, 

શોખ કેરા રંગમાં રંગાઈ લે એ જિંદગી...

ખુશનુમા પ્રકૃતિનો શ્વાસ ભરી લે એ જિંદગી, 

પદ-પ્રતિષ્ઠાનો પ્રેમ છોડી દે એ જિંદગી, 

ત્યજીને બધું પોતા માટે તું જીવી લે એ જિંદગી, 

એકાંત ને અવસર બનાવી મ્હાલી લે એ જિંદગી...

માબાપરૂપી ભગવાનના ખોળામાં આળોટી લે એ જિંદગી, 

મકાન કેરા ઘરને સ્વર્ગ તું માની લે એ જિંદગી, 

સ્વાર્થ પર સવાર દુનિયાની સવારી છોડી દે એ જિંદગી, 

"ચેતન" ને મહેમાન નહિ માલિક માની લે એ જિંદગી...