End of Summer Sale for children. Apply code SUMM100 at checkout!
End of Summer Sale for children. Apply code SUMM100 at checkout!

Chetan Gondalia

Drama


5.0  

Chetan Gondalia

Drama


દશેરા

દશેરા

1 min 344 1 min 344

સત્ય હું, અસત્ય હું,

પૂજ્ય હું, પરિત્યજ્ય હું,

નાદ હું, ઉન્માદ હું,

હું જ ભય 'ને અવસાદ હું,

હું જ પ્રકાશ હું જ અંધારું ઘોર.

વેરાન હું, 'ને હું જ વસવાટ

કલેશ હું, કલંક હું,

શૂન્ય હું, અનંત હું

પાતાળ-રસાતાળ હું,

અફાટ વ્યોમ હું,

હું હળાહળ, રસ-સોમ હું,

હું સંયમ, હું કામ,

હું રાવણ, હું જ રામ,

હું જ સળગવું પોતાને,

હું જ નાચું, હારી-ફીટીને

મારી જ વિજયગાથા વાંચું,

મારા તીરથી ખુદને જ ભસ્મ કરું,

પછી એ જ રાખથી

ઘડવૈયો બની ખુદ ને રચું,

તો દેવ શું,દાનવ શું, શું પાપ- પુણ્ય ..

કોનો વિજય, હાર કોની ?!

જયઘોષ મારો, તિરસ્કાર મારો,

હું અહં, હું વિનીત,

હું જ સીતા 'ને મારીચ ...

મોક્ષ હું, હું જ આત્મા પર પડેલા પહેરાં,

ખુદ માં ખુદ નું ચયન જ છે દશેરા !


Rate this content
Log in

More gujarati poem from Chetan Gondalia

Similar gujarati poem from Drama