દરવાન !

એ રાજાના રાજમાં, છે પાગલ દરવાન

જે પણ આવે રાજમાં, સૌને આપે માન !

એ પછી ગરીબ હો, કે હોવે ધનવાન

સમજે સૌ કોઈ ખાસને, સૌ છે ઈન્સાન,

આવ્યો એક ફકીરને, મુખમાં હતું હરિ નામ

જે કોઈ નજરે ચઢે, તેને કહે જય-રામ,

મુખમાં રામ હાથે છૂરી, ને કરે કામ તમામ !

છતાં, તેની વાણી પર, લૂંટાઈ રહ્યું છે ગામ ?

દરવાને દેખી દશા, રાજાને કરી જાણ

રાજા પણ સાવધ થયો, આપ છો’ને દરવાન ?

દરવાને દેખાડ્યું દ્રશ્ય, તેને રાજા કરે સલામ !

પકડ્યો પછી ફકીરને, દંડ દીધો સરેઆમ,

એ દરવાનના કાર્યથી, વધી રાજ્યની શાન

છે રાજાના રાજ્ય માં, એ પાગલ દરવાન ?