Library
ધાક
ધાક
હું કહું કેમ એમને ? તને મારો સાથ છે,
કે મન માંહે લાગી વૃદ્ધાશ્રમની ધાક છે,
ના, છે, ઘર હર્યું-ભર્યું, અહીં પતઝડનો વાંક છે,
કે મન માંહે લાગી વૃદ્ધાશ્રમની ધાક છે,
ના કોઈ-કાંઈ ના કહે, ના સુણે કોઈ વાત છે !
કે મન માંહે લાગી વૃદ્ધાશ્રમની ધાક છે,
હું કહું કે સાંભળો, આ ઉછરેલી શાખ છે, !
કે મન માંહે લાગી વૃદ્ધાશ્રમની ધાક છે,
ના એ તો ના સાંભળે, એ બાળકોની માત છે,
કે મન માંહે લાગી વૃદ્ધાશ્રમની ધાક છે,
ને પલટી એ પડ્યાં, કહે હવે ઝાલો હાથ રે’
કે’ મન માંહે જાગી વૃદ્ધાશ્રમની વાત રે !
ના મળશે સન્માન ને,એની પણ રહે વાત લે
કે મન માંહે જાગી વૃદ્ધાશ્રમની વાત રે !
તમે ભરો પોટલું, હું લઉં થેલી હાથ રે’
કે મન માંહે જાગી વૃદ્ધાશ્રમની વાત રે !
એ મળશે રજાનો, ફોને કરશે વાત રે
કે મન માંહે જાગી વૃદ્ધાશ્રમની વાત રે !
ત્યાં સૌ આપણી જ વયનાં,
ને સરખી રીત-ભાત રે
કે મન માંહે જાગી વૃદ્ધાશ્રમની વાત રે !
છે એનો જ મિત્ર, તેમને હશે જ્ઞાત હે !
કે મન માંહે જાગી વૃદ્ધાશ્રમની વાત રે !
હું કહું કેમ તમને ? કે, છે મારો સાથ રે,
કે મન માંહે લાગી વૃદ્ધાશ્રમની ધાક રે !
