દૈનિક નોંધ.

સત્યના રસ્તે ચાલ્યો,

ખોટાનો કર્યો વિરોધ,

અંતે બધુજ ત્યાં રહ્યું,

અહીંયા તો ફકત હું,

અને મારી દૈનિક નોંધ,

એ મેદાન,

એ વૃક્ષો,

એ વર્ગખંડ,

બધુજ ત્યાંનું ત્યાં,

હું નીકળી ગયો ત્યાંથી,

લઈને મારી દૈનિક નોંધ,

એ હાજરી પત્રક,

એ ફાઈલો,

એ ચોક-ડસ્ટર,

એ ટેબલ-ખુરશી,

ક્યાં જોડે આવ્યું મારી,

પણ એક વાત હતી સારી,

કે સાથે હતી મારી દૈનિક નોંધ,

એ બાળકો,

એ વાલીઓ,

એ સ્ટાફ મિત્રો,

એ રસ્તા,

નથી હવે નજર સમક્ષ,

પણ હજુય છે જે નિષ્પક્ષ,

એ એક હું અને મારી દૈનિક નોંધ.