ચોપાટ આ જિંદગીની

થઈ પ્રમાદી જીવશો તો, લાવશો ક્યાંથી સમય સારો ?

છોડશો જો ભાગ્ય પર તો આણશો ક્યાંથી સમય સારો ?

જાત ઘસવી ના ગમે ને, સપનાં સેવવા મોટાં,

કર ધરો લમણે પછી તો ભાળશો ક્યાંથી સમય સારો ?

છળકપટથી જીતવી, ચોપાટ આ જિંદગીની બસ,

ખ્યાલ ખોટા રાખશો તો પામશો ક્યાંથી સમય સારો ?

ઉર અહમ રોગ મોટો, અજગરી ભરણો ગણી લેવો,

થાય ના એનું હવન તો, માણશો ક્યાંથી સમય સારો ?

વાત સાદી સાવ છે, બરબાદ ના કરવો સમય 'શ્રી',

પાળ બાંધી ના શકો તો, રોકશો ક્યાંથી સમય સારો ?