ચક્રવાત

સાત ફેરા ફરીને આવ્યાં ત્યારથી

ઊઠ્યો ચક્રવાત થમશે ? જ્ઞાત નથી,

પુષ્પએ છૂટી ગયું છે ડાળથી

પણ,પાંદડી વેરાઈ હવાના મારથી,

સૌ-સૌની મોજમાં છે એટલાં કે

પગ તળે કચડાય તેનું ભાન નથી !

હાથમાં શું હાથ લીધો કે હક થયો ?

નાહકના નિયમો-પ્રથાના વારથી !

કંઈ જ ના બોલ્યું ફૂલ એ સહેતું ગયું

કદી આવશે સુગંધ એવા વિચારથી,

ને આવી સુગંધ તો માળી મોભમાં !

જે ગયું અસ્તિત્વ તેનો સાર નથી ?

કોણે કરી પ્રથા આ કેવા ભાવથી ?

સાગર દૂર થઈ ગયો છે નાવથી !

કોણ લઈ જશેને કોણ તારશે ?

તટ પર પડી છે નાવ ક્યારથી,

ફરી, ઊઠ્યો ચક્રવાતને આવ્યાં સારથી !

સાત ફેરા થઈ જશે મજધારથી.