છું આજ હું ભીનો
છું આજ હું ભીનો
છું આજ હું ભીનો,
યાદ કરી આંસુથી ભીનાશ કોઈ વેરે છે કે શું ?
હળવે રહીને પણ,
શ્વાસમાં ભરી મારું સ્મરણ કોઈ કરે છે કે શું ?
એ અંબોડે બેસીને,
ચાંદલિયા ચમકારે નિજ પ્રિતમને ખોળે કે શું ?
કંપન કેરા કામણથી,
ઝરે પ્રેમ પ્રચુર એ ઓષ્ઠ વળી મલક્યા કે શું ?
ખનક મધુરી ગુંજે તો,
કંગન ચૂડી ઉમંગ પ્રસારી ક્યાંક થરક્યા કે શું ?
મધ રેડાતું કર્ણ પટલે,
એ ઝાંઝર પગમાં પમરી ઉઠતાં, રણક્યા કે શું ?
કંચન વરણી કાયા માથે,
આભૂષણનાં અજવાળાં વળી ઝળક્યા કે શું ?
છું આજ હું ભીનો,
યાદ કરી આંસુથી ભીનાશ કોઈ વેરે છે કે શું ?