નયન તમારાં
નયન તમારાં
આવી મુજને ઘાયલ કરી ગયાં નશીલાં નયન તમારાં.
વસી ઉરે ને આનંદ એ ભરી ગયાં નશીલાં નયન તમારાં.
થઈ પ્રતીતિ સર્વસ્વ હરાયાંની દિલને નેત્રકટાક્ષ ટાણે,
ઉરને રખેને અવનવું એ ધરી ગયાં નશીલાં નયન તમારાં.
ધબકતુંને ટપકતું હૃદય મારું પળેપળે ઝંખનારું થયું,
એના ધબકાર સાથે વણાઈ ગયાં નશીલાં નયન તમારાં.
હતી એ તારકમૈત્રી કે નૈનમિચોલી અનુમાન અસંભવ,
શશીવદન નીરખીને સ્થપાઈ ગયાં નશીલાં નયન તમારાં.
સ્વીકારી હારને આગળ વધું છું હવે પામવાની આશે,
રોમેરોમ ચોસઠ એ ખીલાવી ગયાં નશીલાં નયન તમારાં.