ચાલને મળીએ

એ સખી ચાલને મળીએ, 

અજાણ્યા બનીને મળીએ.

એ મજાક મજાકમાં, 

તારું ગુસ્સે થઈ, 

મારવા પાછળ દોડવું 

આખાં ગામમાં ફરી વળવું,

એ દિવસો યાદ આવે છે.

ભાવનાને બિન્દુ સાથે રમવું, 

ચુલા પર પાપડ શેકવા,

એય ટપકું ચાલને મળીએ.

બાળપણમાં જઈ મોજ કરીએ,

એ મોય ડંડો ને સતોડીયુ,

તળાવથી દેડકાં પકડવા,

નિતનવી ધમાલ મસ્તી.

 

કોઈ પણ એકના ઘરે જમવું, 

રાત્રે ફૂલ રેકેટ રમવું, 

ગૌરીવ્રતના જાગરણમા,

નાટક ભજવી, 

કેવી ધિગા મસ્તી કરતા.

 

એ સખી ચાલને મળીએ, 

આવે છે ને એકવાર, 

ચાલને ફરી બાળપણમાં જીવીએ.