બનાવીએ શરીર સુંદર

શરીર થયું છે બેઠાબેઠા બેડોળ ઘણું

આળસ કરતા થયું એતો કદરૂપું ને મોટું

ચાલને થોડી કસરત થકી બનાવીએ શરીર સુંદર,

મોટું પેટ ને જાડું શરીર આપણું

એ તો બિમારીને આપે રોજ નોતરું

ચાલને થોડી કસરત થકી બનાવીએ શરીર સુંદર,

મીઠાઈ બર્ગરને પીઝા થકી મળે સ્વાદ અનેરા

પણ શરીર અને મનને આખરે લાગે કપરાં

ચાલને થોડી કસરત થકી બનાવીએ શરીર સુંદર,

વગર મહેનતે તો વધે સ્થુળતા અચૂક

શરીરને કામે થોડું લગાવીએ બિનચૂક

ચાલને થોડી કસરત થકી બનાવીએ શરીર સુંદર,

બીમાર શરીરને સ્વસ્થ કરવા ડોક્ટર માગે પૈસા ઝાઝા

એથી વધુ તો સૌ સંગાથે રહેવાના પણ થાય ફાંફાં

ચાલને થોડી કસરત થકી બનાવીએ શરીર સુંદર.