બીજો ઈશ્વર

છોડવો સંસાર આત્મકલ્યાણ અર્થે,

ગહનમાં તો સ્વાર્થી ભાગેડુ વૃત્તિ જ ગણાય !

રહી સંસારે પરપીડા હરી જાણી જેણે,

એ નિ:સ્વાર્થ તપસ્વીની મૂર્તિ ડૉક્ટરમાં દેખાય !

દુ:ખીજનોનાં દુઃખ દેખી ન શકે જે,

એ હૃદયે નિત કરુણાનો મહાસાગર લહેરાય !

ભૂખતરસનું ભૂલી ભાન દિનરાત સેવા કરે,

અસાધારણ સમર્પણની મૂર્તિ ડોકટરમાં દેખાય !

જીવન જ્યોત બુઝતી કળાય જ્યારે,

આશાનું કિરણ અંતિમ એનાં હસ્તમાં સ્ફુટ થાય !

રડતાં ચહેરાઓ પર ખુશીઓ લહેરાવે,

જીવનદાતા તારણહારની મૂર્તિ ડોકટરમાં દેખાય !

અસહ્ય તકલીફો અને વેદનાઓ દેહે,

કરે પલમાં દૂર એ દવાખાના મંદિર આલેખાય !

અવરુદ્ધ જીવનને ગતિમય કરે જે,

સાકાર જગતે ઈશ્વરની મૂર્તિ ડોકટરમાં દેખાય !

નાત-જાત ઊંચ-નીચ સ્પર્શે ન એને,

ગરીબ હો કે તવંગર, એની સેવાનું મૂલ ન મપાય !

સૌ જીવનમાં 'દીપાવલી' પ્રગટાવે,

ધરા પર ચળકતા સુર્યની મૂર્તિ ડોકટરમાં દેખાય !