ભૂલકાંઓએ કરી કરામત

આજે મારા ભૂલકાંઓએ કરી કરામત,

 રૂમમાં તોડી ખુરશી ને હવે કરે મરામત,

 એક લાવે ફેવિકોલ ને એક લાવે ખીલી,

 મરામત કરતા કરતા વાગી ગઈ ખીલી,

બાજુ મૂકી ખુરશીને લાવ્યા દવાનું બોક્સ,

એટલામાં તો આવી ગયા સાહેબ એમના બોસ,

 સાહેબ ને જોઈ ભૂલકાંઓ તો ભાગે ફટાફટ,

 સાહેબ કહે ભાગ્યા વિના હવે બેસો ફટાફટ,

 કોણે તોડી ખુરશી ને આ કરી કરામત,

 હવે કોઈએ ખુરશીની નથી કરવી મરામત,

 આજ મારા ભૂલકાંઓએ કરી કરામત,

 રૂમની તોડી ખુરશીને હવે કરે મરામત.