સુંદર ઘર

 કુદરતી સૌંદર્યની વચ્ચે હોય એક સુંદર મજાનુ ઘર,
 જેની આજુબાજુ વહેતું પાણી જાણે લાગે મૃગજળ.

 રંગબેરંગી રંગોથી રંગાયેલી હોય મારા ઘરની દિવાલ,
 એ ઘરમાં રહેનાર સૌ થઈ જાય માલામાલ.

 ઘરની આગળ પાછળ હોય સુંદર મજાના ઉંચા ઝાડ,
 જેના સૌંદર્યથી ઝાંખા પડે સૌથી ઊંચા ઊંચા તાડ.

 પંખીઓના કલરવ વચ્ચે ઘર લાગે સુંદર રળિયામણુ,
 ઘર આંગણે પંખી ચણ ચણતા સુંદર શોભે મારું આંગણું.

 જે ઘરમાં માતા પિતાની બાળકોના માથે છત્રછાયા હોય,
 તે ઘર જાણે ઘર નહી પણ સદાય લાગે સુંદર મંદિર હોય.

 અલકા પરમાર "મૌસમ"