ભૂલી ગઈ હું મને !

આવી ઘરની જવાબદારી ત્યારે ભૂલી ગઈ હું મને ! 

પરિવારના પ્રેમમાં પડી કે પ્રેમ જ ભૂલાઈ ગયો મને,

પાંખો ફેલાવી ઊડવાની ઈચ્છા મને પણ હતી ! 

પણ પરિવારના પ્રેમમાં એવી પડી કે મે પાંખો કાપી નાંખી મારી ! 

ઈચ્છા, આકાંક્ષા ક્યાંક મને પણ હતી ! 

પણ બીજાની ઇચ્છાઓ પૂર્ણ કરવા માટે હું મારી ઈચ્છાઓ જ ભૂલી ગઈ,

ભૂલી ગઈ હું મારા દેખાવને જ્યાં મને માત્ર પરિવાર દેખાયો ! 

તોડ્યા પ્રેમના બંધનો જ્યારે હું પરિવારના પ્રેમમાં પડી ગઈ ! 

અધૂરી ઈચ્છાઓ અધૂરી ક્યાં રહી હવે ! 

એતો ક્યારની કહાનીઓ બનીને લખાતી ગઈ ! 

સાત સૂર અને સાત રંગોએ રંગાવું હતું મને,

જવાબદારીઓના રંગે રંગાઈ ગઈ એવી કે ભૂલાઈ ગયા સપનાઓ સોનેરી !