STORYMIRROR

આધ્યાત્મિક ભજન પ્રાર્થના

Classics

0  

આધ્યાત્મિક ભજન પ્રાર્થના

Classics

ભોમિયો ખોવાયો મારો

ભોમિયો ખોવાયો મારો

1 min
461


ભીતરનો ભેરુ મારો આતમો ખોવાયો,

મારગનો ચીંધનારો ભોમિયો ખોવાયો રે,

વાટે વિસામો લેતા જોયો હોય તો કહેજો... ભીતરનો ભેરુ

એના રે વિના મારી કાયા છે પાંગળી,

આંખ છતાંય મારી આંખો છે આંધળી,

મારા રે સરવરિયાનો હંસલો રીસાયો રે

સરવરમાં તરતો કોઈએ જોયો હોય તો કહેજો… ભીતરનો ભેરુ

તનડું રુધાણું મારું, મનડું રુંધાણું,

તાર તૂટ્યો રે અધવચ ભજન નંદવાણું,

કપરી આંધીમાં મારો દીવડો ઝડપાયો રે,

આખો સળગતો કોઈએ જોયો હોય તો કહેજો … ભીતરનો ભેરુ

- અવિનાશ વ્યાસ


સામગ્રીને રેટ આપો
લોગિન

Similar gujarati poem from Classics