ભજી લે કિરતાર

આ દુનિયામાં સૌ કરે છે મારું મારું,

પણ કહું છું હું સાચું કોઈ નથી તારું !

આવ્યો છું એકલો જવાનો તું એકલો,

તો શીદને કરે છે મોટો મોટો તું રસાલો !

આ દુનિયામાં સૌ કરે છે મારું મારું.....

ચાહે દુનિયા તને જ્યાં સુધી તનમન સારું,

જે દિ' માંદુ પડ્યું તનમન કોઈ ન આવે ઓરું !

આ દુનિયામાં સૌ કરે છે મારું મારું..........

એક જ છે તું તારો એટલું સમજી લે તું સાચું,

બંધાયા છે જગતના બંધન ખાલી સૂતર તંતુ !

આ દુનિયામાં સૌ કરે છે મારું મારું............

મળ્યો મનેખ તણો અવતાર તું ભજી લે કિરતાર,

કાન્તાસુત જગત સારનો સાનમાં દે છે અણસાર !

આ દુનિયામાં સૌ કરે છે મારું મારું,

પણ કહું છું હું સાચું કોઈ નથી તારું !