ભારત તણી ભોમ
ભારત તણી ભોમ
ફરી આવ્યો બધી ભોમ, ભારત જેવું ન થાય,
રંગબેરંગી વાત નિરાળી છે માતૃભોમ તણી,
કંઈ કેટલાય શિર કપાય, ધડ લડ્યા દેશ કાજ,
ફરી આવ્યો બધી ભોમ, ભારત જેવું ન થાય,
બંગાળી, હિન્દી, ગુજરાતી,વગેરે એવી ભાષાઓ,
વળી જાત-જાતના પહેરવેશ છે આપણા રાજ્યના,
ફરી આવ્યો બધી ભોમ, ભારત જેવું ન થાય,
ઉત્તરે અડીખમ હિમાલય, દખ્ખણ દરિયાની લહેર,
પૂર્વમાં ચાના બગીચાઓ,પશ્ચિમ રૂડું ગુજરાત અહીં,
ફરી આવ્યો બધી ભોમ, ભારત જેવું ન થાય,
હિન્દુ,શીખ, મુસ્લિમ વગેરે ધર્મ સમભાવ છે અહીં,
નાત-જાતના ભેદભાવ ભૂલી રહે સૌ હળીમળી,
ફરી આવ્યો બધી ભોમ, ભારત જેવું ન થાય,
ટાટા, અંબાણી,એસ્સારના ધમધમતા ઉદ્યોગો અહીં,
અભિલેખોને શિલાલેખોમાં કંડારેલા ઇતિહાસ અહીં,
ફરી આવ્યો બધી ભોમ, ભારત જેવું ન થાય,
ખાવાપીવાનાને હરવાફરવાના શોખીન લોકો અહીં,
પોતાની મોજમાં જીવતા ઉદાર વિચારવાળા છે અહીં,
ફરી આવ્યો બધી ભોમ, ભારત જેવું ન થાય,
હળીમળીને ઉજવાતા વિવિધ ધર્મના તહેવારો અહીં,
ભાઈચારાની ભાવના પેદા કરી "પ્રવાહ" રહે સૌ અહીં.