ભાગ્યરેખા

સઘળું મળવાની રાખી એક આશ,

પ્રેમ મેળવવાની અપેક્ષા ભારોભાર,

છતાંય સર્વસ્વને છોડવાની એ ઘડી,

નથી કોઈ રમતની નાનકડી જ કેડી,

આ છે એક નારીની જ ભાગ્યરેખા.

વહેતી સરિતામાં વહેવાની આશા,

સાકરની જેમ ભળવાની એ ઝંખના,

સઘળું અર્પે છે કોઈને એ તનમનથી

સમર્પણનો આનાથી મોટો પડકાર,

આ છે એક નારીની જ ભાગ્યરેખા.

પ્રેમનો ધોધ વહાવીને નજીવી આશા,

પોતીકી બને કોઈની એ જીજીવિષા,

આરજૂનાં રચ્યાં છે મેં સ્વપ્નમહેલ,

એને બસ ભીંજાવી દે તારાં વ્હાલમાં,

આ છે એક નારીની જ ભાગ્યરેખા.