બારેમાસ હોય

નસીબ કેરા ખેલ ન્યારા, સારા તો સહવાસ હોય,

નહિતર આશા રાજપાઠ ને સવારે વનવાસ હોય,

ને અજબ કૈક રીત આ દુનિયાની જે ખબર પડી,

એકાંતેય ક્ષણ ન મળે, સમૂહમાં નવરાશ હોય,

અને આ જગતની રીત સાવ અલગ વળી ક્રૂર,

ગરીબને ભોજન ન મળે, અમીરને ઉપવાસ હોય,

મન કહે મળવું છે ત્યારે જ વચ્ચે દીવાલ હોય,

અંધારે જીવન વીતે, કદમ પછી અજવાસ હોય,

ઋતુ બદલે પછી જ મળે તડકો ને છાંયડો 'યાદ',

છતાંય એમની યાદમાં આંખે વર્ષા બારેમાસ હોય.