બાણ સમાં છે તારા નશીલા નયન.

તનને સ્પર્શી રહ્યો છે આ મંદ મંદ પવન,

તારા આગમને મારું જીવન બને ઉપવન.

જાણે !રણકી ઉઠે મારા જીવનમાં સંગીત,

તારા આગમને મહેકી ઊઠે મારું તનબદન.

તું તો જાણે ! અદભુત અલબેલી વસંત,

તારા થકી મહેકે મારા જીવનનો ચમન.

તું માંડે ડગ તો જોને ધરા પણ જન્નત બને !

તારા થકી પવિત્ર થાય મારા હૈયાનું આંગન.

કેવું અદભુત રૂપ બક્ષ્યું છે ઈશ્વરે તને !

જાણે ! કમળ જેવું કોમળ છે તારું વદન.

તારી એક નજરથી હૈયું મારું થાય ઘાયલ,

જોને બાણ સમાં છે તારા નશીલા નયન !