અવગણના
અવગણના
ગઝલ ગાઉં છું ઇશ્કની તમારી,
બેઠા છો તમે નજર ઝૂકાવી,
સામે ભલે બેઠા છો સનમ,
ન કરો અવગણના તમે મારી,
તમારૂ અને મારૂં દિલ એક છે,
તો દિલમાં દરાર કેમ પાડી ?
દિલની દરાર દૂર કરવી છે સનમ,
ન કરો અવગણના તમે મારી,
ચાહું છું તમે સાચા દિલથી,
હવે નજર મેળવો સંગ મારી,
મધુર સ્મિત ફરકાવો સનમ,
ન કરો અવગણના તમે મારી,
દિલ મારૂં ધડકે છે તમારા પ્રેમમાં,
ઝાંખીને દિલમાં જૂઓ મારી,
તસ્વીર તમારી દિલમાં છે સનમ,
ન કરો અવગણના તમે મારી,
મહેફિલ સજાવી છે ગઝલની,
સમજજો ગઝલ તમે મારી,
"મુરલી" પ્રેમની ગઝલ લખી છે,
ન કરો અવગણના તમે મારી.