અતીતના અંધકારમાંથી બહાર આવ

અતીતની ઉધઈને તું મારી નાખ,

આજની ક્ષણને તું જારી રાખ,

અતીતના ચક્રવ્યૂહમાંથી બહાર નીકળી જા,

ખુલ્લો છે આ વર્તમાનનો દરવાજો અંદર પ્રવેશી જા,

અતીતના અંધકારમાંથી બહાર નીકળી જા,

આ સફળતાનો સૂરજ,

ઊભો તારા દ્વારે દસ્તક આપે છે,

આ સૂરજનું સ્વાગત કરી લે,

શા માટે અટવાયા કરે આ અતીતની આડીતેડી ગલીઓમાં ?

વર્તમાનનો સીધો સુંદર રસ્તો છે તારી રાહમાં,

બસ એ રસ્તે ચાલ્યો જા,

છોડ એ ભૂતકાળના ગંધાતા ખાબોચિયાને,

સુંદર મીઠી સરિતા છે તારી રાહમાં,

બસ વહી જા તું એના પ્રવાહમાં,

શા માટે અતીતના બીજ રોપે આ હૈયાના ક્યારામાં ?

ઊગેલા છોડ આશાઓનાં આમ મૂરઝાઈ જશે,

આમ વિચારોનાં બીજનું વાવેતર ના કર,

બસ આજની ક્ષણોનું સુંદર ચણતર કર.