અંતરદ્વંદ

જીવન એક કુરુક્ષેત્ર, લાગણીઓ રોજ હણાય છે,

તું સમજે કે હું સમજું?સમજણ રોજ મપાય છે,

બધીય ચાલબાજી માન-સન્માનને અસ્તિત્વ માટે,

ચોપાટ પર રોજ એક દ્રોપદીની લાજ લૂંટાય છે,

હતી નિયતિ રોજ પાંચમાં વહેંચાવાની ને વહેંચવાની,

શું એટલેજ અર્જુનથી માછલીની આંખ વીંધાય છે ?

અગ્નિજન્માં હતી એ પવિત્ર યુગ પરિવર્તન કરનારી,

દુ:શાસન ભરી દુનિયામાં ચિર આજે પણ ખેંચાય છે,

ચિરના તારથી બંધને બંધાયા ખુદ ગોવિંદ રક્ષા કાજે,

અંદર વસેલા શ્રી કૃષ્ણને આહવાન રોજ અપાય છે.