અમર

સંસારની કોઈ ચીજ અમર નથી,

દેખાય છે જે આંખમાં, એ પલભર પછી નથી.

પાતાળુ પાયા નાંખીને, ઈમારતો ઊભી કરો,

રહેશો તમે દિન કેટલા, એ અમર નથી.

ઐશ્વર્ય આ અવનિ તણુ, જળ ઝાંઝવાનું જાણજો,

વિલુપ્ત વિપળમાં થશે, એ અમર નથી.

ભાવના સમજો સાનમાં, તો સંકટો સઘળાં શમે,

વિદ્યુતવેગે વહી જાશે, એ અમર નથી.

ગાડી, બંગલા ધન દોલત રહી જવાના અહીં,

સાથે કંઈ ના આવતુ, એ અમર નથી.

નહીં તો નિસાસા નાંખશો, એ આજ છે કાલ નથી,

મધ્યસ્થી પામો સત્યની, બાકી અમર કંઈ જ નથી...