અમર શહીદી...

અંધકાર હતો એવો એ પૂનમની ચાંદની રાતે,

નો'તો દેખાતો સુરજ લગીરે એવી કોઈ વાતે,

કોઈનો હતો ભરથાર તો બેટો હતો કોઈનો,

ભીંજાઈ હતી ત્યાં ઓઢણી રક્ત તણી ભાતે,

રણબંકા એ વિરોનો કેવો ધરણી હારેનો નાતો,

ત્યજી દીધા બધા ખોરડાને ત્યજી બધી મહેલાતો,

અરમાનોની કરી હોળી ને ખુશીઓને રગદોળી,

આઝાદીની હરખાતી હેલીએ ભરી આપણી ઝોળી,

નથી જાગીર કોઈની ને નથી આ કોઈની શહાદત,

રક્ત સીંચીને રચેલી છે આ શૂરવીરોની વિરાસત,

કેટલાય શ્વાસ રૂંધાયા છે આ ધરતીને દેવા ધબકાર,

વીતે જુગોના જુગ પણ કેમ રે ભુલાય એ ઉપકાર,

કણે કણમાં ને ક્ષણે ક્ષણમાં તમે છો અમર આજે,

ખુલ્લું આસમાન ને ધરતી અમ નસીબે આપ કાજે.