કસોટીની એરણે
કસોટીની એરણે
કસોટીની એરણે મને કાં ચડાવો તમે ?
પછી ગેરલાયક ઠેરવી કાં રડાવો તમે ?
જાણું છું હું કોણ કેટલામાં છે અહીં,
મળે તક ત્યાં કમાડ ઠેલી લડાવો તમે !
જીવન કેરી પરીક્ષા આપી રહી છું હું;
રંગ લાવે શ્રમ મારો, કેમ ભાગ પડાવો તમે ?
ખુમારીથી જીવું છું, ખુલાસા નહીં આપું કદી,
કરી છળ-પ્રપંચ, ભલે ઘાટ ઘડાવો તમે !
સઘળી માયા સંગ ત્યજી અતિ લાલસા,
નથી ફર્ક મને, કંચન મહીં હીરા જડાવો તમે !
નથી વાસ મારો શીશ તણી મહોલાતોમાં,
કંકર દેખાડી 'જ્યોત', શાને થડકાવો તમે ?