અહેસાસ

મેં તમારી પત્ની છું અને તમારી સાથે છું.

પણ તમને આ વાતનો અહેસાસ જ નથી તો હું શું કરૂં.

લગ્ન થયા તે દિવસથી જ તમે મારા પ્રિય વ્યક્તિ છો,

અરે... તમે તો મારા દિલની ધડકન છો,

પણ તમને આ વાતનો અહેસાસ જ નથી તો હું શું કરૂં.

જ્યારે તમે દાઢી સેટ કરીને નવા કપડાં પહેરીને તૈયાર થાવ છો,

ત્યારે હું માત્ર તમને જ નિહાળુ છું

હા...પ્રશંસા નથી કરતી પણ એ જોઈને

દિલથી ખૂબ જ ખુશ થાવ છું.

પણ તમને આ વાતનો અહેસાસ જ નથી તો શું કરૂં.

જિંદગીની સફરમાં જ્યારે તમને ઠોકર વાગી ત્યારે,

તમે પડી જાવ એ પહેલા તમારો હાથ પકડી લીધો.

તમારા આંખોમાં આંસુ ના આવે એ વાતનું

હંમેશા ધ્યાન રાખ્યું.

પણ તમને આ વાતનો અહેસાસ જ નથી તો હું શું કરૂં.

જીવનમાં આવતી મુશ્કેલીઓમાં

તમે હિંમત ના હારી જાઓ

એ માટે હંમેશા તમને સાથ આપ્યો.

દરેક વિકટ પરિસ્થિતિમાં તમને

એક આશાનું કિરણ બતાવ્યું.

પણ તમને એ વાતનો અહેસાસ જ નથી તો હું શું કરૂં.

મારી હર એક દુઆમાં તમને માંગ્યા

તમારા માટે ખુશી માંગી,

તમે અને તમારી નોકરી હંમેશા

સલામત રહે એવી હંમેશા દુઆ માંગી

પણ તમને આ વાતનો અહેસાસ જ નથી તો હું શું કરૂં.

બધું જ છોડીને તમને

મેં પોતાના માન્યા,

મારા સપનાઓ ને છોડ્યા

અરે...સપનાઓ સાથે કોમ્પ્રોમાઈઝ કર્યું,

તમારો હાથ પકડ્યો અને સાથ ના છોડ્યો,

પણ તમને આ વાતનો અહેસાસ જ નથી તો હું શું કરૂં.

મારી સલાહ આપવું

મારું કંઈક પણ કહેવું જે પહેલા

સારું લાગતું હતું આજે તે

ત્રાસ લાગે છે.

તમારા માટે મેં મારુ વ્યક્તિત્વ જ બદલી નાખ્યું છે.

અને આજે તમે જાતે બદલાઈ ગયા તમારા આ બદલાયેલા વર્તનથી

હું અંદરથી તૂટી ગઈ છું,

હવે મારુ અસ્તિત્વ શું છે એ શોધી રહી છું,

દુઃખી છું એકલી છું ખરેખર અંદરથી તૂટી ગઈ છું,

પણ તમને આ વાતનો અહેસાસ જ નથી તો હું શું કરૂં...