આવજે
આવજે
આંખોએ આંજેલી કાજલ બનીને કયારેક તું આવજે,
યાદોના દિવાની જ્યોત બનીને ક્યારેક તું આવજે.
બારી અને બારણાં ઉઘાડાં રાખ્યાં છે મેં સદા,
અજવાળાની પૂનમ બનીને ક્યારેક તું આવજે.
ઝરણાની સુરીલી તાનનાં સરગમ રેલાયા સદા,
સરગમનો આલાપ બનીને કયારેક તું આવજે.
વનવનમાં મહોરતી આંબાની ડાળીએ કોયલ સદા,
મીઠા મધુરા નાદે ટહુકાર બની ક્યારેક તું આવજે.
દિલનાં દરવાજે મીઠી યાદોના સંભારણા સદા,
યાદોનાં ઝરૂખાએ દસ્તક બનીને કયારેક તું આવજે.
રાહ જોઈ રહી છે વાત્સલ્ય દિવાની આ સંસારમાં સદા,
"સખી" યાદોની મહેફિલ બનીને ક્યારેક તું આવજે.