આવજે

થાક ભર્યા આ જીવનમાં તું,

એક ઉમંગનો ઉજાસ લાવજે,

અવિશ્વસનીય લોકોની વચ્ચે તું,

વિશ્વાસનો વરસાદ લાવજે.

વેરાન વ્યક્તિઓની વચ્ચે તું,

વૃક્ષોનું વૃંદાવન થઈને આવજે,

સૂની થયેલી આ સડકો ઉપર તું,

સાગરની લહેરોને લઈને આવજે.

ગૂંગળાય રહેલી એ દીવાલોની વચ્ચે તું,

સૂસવાટા ભર્યા પવન વેગે આવજે,

અમાસના આકાશની વચ્ચે તું,

પૂનમનો પડકાર થઈને આવજે.

ભૂલી પડી છું સફરના આ માર્ગે,

તારી સાથે રહી સફરનેજ ભૂલી જાવ,

એવા હમસફર તરીકે તું આવજે.