Library
Profile
સુરત પણ છે ખૂબસૂરત.
સુરત પણ છે ખૂબસૂરત.
છે અહીંયાના લોકો હસતા રમતા,
સુરતમાં જાત જાતના લોકો વસતા,
સવારમાં ઉઠીને ખમણ ખાતા,
અને વળી, લોચાને તો કેવી રીતે ભૂલતા !
હાઈવે પરનુ એ ઉંબાડિયું ચાખતા,
અને વહેલી સવારનો એ નીરો કેવી રીતે ભૂલતા !
મકરસંક્રાંતિનું એ ઉંધીયું બનાવતા
અને આખી શેરીમાં પ્રસંગો ઉજવાતા.
સુરતમાં જાત જાતના લોકો વસતા,
ચૌટા બજાર ની એ શોપિંગમાં જતા,
અને વળી, ડિસ્કાઉન્ટ માંગવાનું,
તો કેવી રીતે ભૂલતા !
ભાગળના એ તરોતાજા શાકભાજી,
અને, વળી કાકીની એ પાવભાજી,
બાળકોની એ વનિતા વિશ્રામના,
મેળામાં જવાની જીદ
અને ખાઉધરા ગલીમાં,
ઢોસા માટે થતી ભીડ.
પીપલોદના રસ્તા પર આવતી શોપિંગ મોલની લાઈન,
અને,દિવાળીના
ટાઈમે એસેમ્સી પર થતી લાઈટની શાઇન,
ચાંદીપડવાની રાત્રિની એ ઘારી ખાતા,
અને તાપીમાં ના આશીર્વાદ થી પવિત્ર થતાં.
આડોશ પાડોશને નિઃસ્વાર્થ મદદ કરતા,
આવી છે અમારા સુરતીઓની ભાવના,
સ્વચ્છતાની એ એક નવી દિશા,
જ્યાં ડોર ટુ ડોર ગાર્બેજ કલેક્શનની છે યોજના.
ડુમસના દરિયાકિનારાના એ ભજીયા,
કાપડ-હીરાના ઉદ્યોગમાં માણસો આખોદી રચ્યા પચ્યા,
શિયાળાની એ હવાનું આવતુ એક ઝોંકુ,
ત્યાંતો પોંક પાર્ટી કરતું એ સુરતીઓનું ટોળું.
ગૌરવપથ પર એ ડબ્બા પાર્ટી કરતા,
અને,ગમે એટલા એજયુકેટેડ તોય સુરતી ભાષા બોલતા,
કહેવાય છે આ શહેર સોનાની મુરત,
જ્યાં બેનરો પર લખાય છે, સ્વચ્છ સુરત સુંદર સુરત.
આવું છે આ અમારું ખૂબસૂરત સુરત.
