સરકતી જિંદગી

સરકી જાય છે આમ રેત સમી ઓ જિંદગી,

હજી તો કેટલું દૂર પામવાનું છે આ ક્ષિતિજ તારું.

વહેતા પાણીની જેમ સરકતો આ સમય તારો ઓ જિંદગી,

હજી તો મધદરિયે પાર તરવાનું બાકી છે મારું.

લાંબા સફરની આ પગદંડી છે તારી ઓ જિંદગી,

હજી તો કેટલાય રાહીઓને મળવાનું બાકી છે મારું.

પગ નીચે સરકતી આ જમીન તારી ઓ જિંદગી,

હજી તો આકાશને આંબવાનું બાકી છે મારું.

ભાગદોડ ભરી આ સરકતી જિંદગીના એકાંતમાં,

હજી ખુદ ને પામવાનું બાકી છે મારું.