આવજે તું

અંધકાર ભર્યા જીવનમાં સૂરજનો

ઉજાસ થઈને આવ જે તું

વિરાન જિંદગીમાં

વસંત બની ને આવ જે તું

મૃગજળ જેવી જિંદગીમાં

મીઠું ઝરણું બની આવ જે તું

જ્યારે હું મુંઝાવ તો ખુશીઓનો

ખજાનો લઈ ને આવ જે તું

સપનાઓનું દર્પણ તૂટે તો નવા સપનાઓની

વણઝાર લઈ ને આવ જે તું

જીવનના રસ્તે ચાલતા ચાલતા ભટકી જાઉ

તો ભોમિયો બની આવ જે તું

હદય જ્યારે બને મારું સૂમસામ સડક જેવું

શોર મચાવવા સાગરની લહેર બની આવ જે તું

જ્યારે ઉદાસ હોઉં ત્યારે

સરગમ ના સાત સૂર બની આવ જે તું