આટલું તો આવડવું જ જોઈએ

આટલું તો આવડવું જ જોઈએ

જીવન જીવતા આવડવું જોઈએ,

સંબંધો સીવતા આવડવું જોઈએ

અમૃત નહિ મળે રોજ બરોજ

ઝેર પીતા પણ આવડવું જોઈએ,

વાત વાત માં રૂઠવું સારું નહિ

સહન કરતા પણ આવડવું જોઈએ,

અક્ક્ડ ઝાડ પહેલું તૂટી જાય

થોડું નમતા પણ આવડવું જોઈએ,

બધું કંઈ પચી નહિ શકે

થોડું વહેંચતા પણ આવડવું જોઈએ,

બેઠાડું જિંદગી શ્રાપ છે .

જીવનમાં મહેનત કરતા પણ આવડવું જોઈએ,

ચોપડીઓ અચૂક વાંચો

ચહેરા વાંચતા પણ આવડવું જોઈએ,

અબોલા ક્યારેય નહિ લેતા

મન મોટું રાખતા પણ આવડવું જોઈએ,

સોગિયું મોઢું કોને ગમે

ખડખડાટ હસતા પણ આવડવું જોઈએ,

સંગ્રહખોરી સારી છે પણ

દાન- પુણ્ય કરતા પણ આવડવું જોઈએ,

ખોટા વખાણ કરવા ચાપલુસી છે,

અરીસો બનતા પણ આવડવું જોઈએ.