મને ભય છે
મને ભય છે
સ્વપ્નાઓનો મને ડર નથી,
મને વાસ્તવિકતાનો ભય લાગે છે,
પોતાનાઓનો મને કોઈ ભય નથી,
રાજકારણ રમતા લોકોનો મને ભય લાગે છે,
કડવી બોલી કહી ખામી બતાવતા લોકોનો મને ડર નથી,
જૂઠી પ્રશંસા કરી છળકપટ કરતા લોકોનો મને ભય લાગે છે,
મેલા કે ગંદા કપડાં પહેરનારનો મને ડર નથી,
ઉજળા કપડાં સાથે મેલા મન વાળાનો મને ભય લાગે છે,
સામે ચાલીને વાર કરનારનો મને જરા ભય નથી,
પીઠ પાછળ વાર કરનારનો મને ભય લાગે છે,
તીર, તલવાર કે ભાલાનો મને ડર નથી,
પોતાના જ લોકો દ્વારા થતા શબ્દોનાં વારનો મને ભય લાગે છે.