મા તારી તો બહુ જ ખોટ પડી ગઈ
મા તારી તો બહુ જ ખોટ પડી ગઈ
1 min
229
કોરોનાની લહેર તો માતમ ખુબ જ આપી ગઈ
મારી જનેતા મારાંથી ખુબ જ દૂર ચાલી ગઈ,
શરીરથી ધબકારાઓની તો વિદાય થઈ ગઈ
આમ અચાનક જ છેતરીને એ દૂર ચાલી ગઈ,
મારી સેવા કરવાની ઈચ્છા અધૂરી જ રહી ગઈ
મને એકલાં મૂકીને અચાનક એ દૂર ચાલી ગઈ,
હું તો ખૂબ જ ખુશ છું એવું મા મને કહેતી ગઈ
વેદનાઓ બધી મા સાથે જ લઈ દૂર ચાલી ગઈ,
પ્યાર, સ્નેહ, આશિષ તો મા ખુબ આપતી ગઈ
જિંદગીનાં બધાં ગમો સાથે લઈ દૂર ચાલી ગઈ,
હવે તો મંઝિલ પણ મળવી દુસ્વાર જ થઈ ગઈ
હિંમત ને શક્તિ મારી મા સાથે જ દૂર ચાલી ગઈ,
માં તારી તો બહુ જ ખોટ "હિતેન્દ્ર"ને પડી ગઈ
દુઃખનાં વાદળ મા સાથે જ લઈને દૂર ચાલી ગઈ.