આત્મશ્લાઘા

વળતાં વેણ કે વહેણ હોય, ઝાલી ન શકીએ હાથમાં,

અફસોસ વગર કંઈ ન વધે, તો પકડે શું કામ છોડીને ?

ઉમંગ ઉત્સાહ ભીતર વટનો, ના માહોલ જોવો લાગમાં

બસ, ત્યાં વહેમ છલકે વાણીમાં,

દાન પુણ્ય કોઈ કરીને જાય જેને ના જરૂર એ છોડી જાય,

સથવારો હોય તો સાદ પડે, ધન ભાગે વહેંચે કાખમાં,

કરું સઘળું બસ ગુપ્ત ન રાખું, ઢંઢેરો આખા ગામમાં,

બસ ત્યાં વહેમ છલકે હાથમાં,

દિલની દાતારી જોઈ લેવી, ના એકલો પીડાય દુઃખમાં,

સંબંધોને તો સોને મઢાવી, બેસાડી દીધા શો-કેસમાં,

ઊંચી નજરો ઊંચી ડોક, ચાલું એ મહોલ્લામાં,

બસ ત્યાં વહેમ છલકે આંખમાં,

બે સિક્કાને એક જ ઘંટનાદ, હાજરી રોજ મંદિરમાં,

આપ્યું સઘળું આભાર પ્રભુ, ના વિસરું એકે પળવાર,

સઘળી વિધિ, સઘળી પૂજા, શણગારું મોટાં મંડપમાં,

બસ ત્યાં વહેમ છલકે હૃદયમાં.