આપણે આજે જ જીવી લઈએ
આપણે આજે જ જીવી લઈએ
આનંદ નામની ઔષધિ લઈ, ઉદાસીની બીમારીનો ઉપચાર કરી લઈએ,
નાહકની ચિંતા છોડી આપણે ખુશ રહી લઈએ,
આળસ ને કહી દઈએ અલવિદા, શ્રમ સાથે દોસ્તી કરી લઈએ,
મહેનત થકી મીઠા ફળ આપણે પામી લઈએ,
સંતોષી નર સદા સુખી એ કહેવતને સાર્થક કરી લઈએ,
જે છે એમાં જ આપણે સંતોષ મેળવી લઈએ,
મનમાં સંબંધો માટે મીઠાસ ભરી લઈએ,
એકબીજાને દિલમાં જગા આપી દઈએ,
મોલ સિનેમા કે રેસ્ટોરન્ટમાં સુખ શોધવાને બદલે, પરિવાર સાથે બેસી લઈએ,
સુખ દુઃખ વહેચી થોડાં હળવા થઈ જઈએ,
આજે મળેલી ક્ષણને મોજથી જીવી લઈએ,
કાલની ચિંતા છોડી આપણે આજે જ જીવી લઈએ.